Dadgeha Heqanê Merdiman ya Ewrupa (DHME) waşt wa Tirkîya seba her muracatî 250 euro, pêroyî de 20 hezar û 750 euro tazminat bido.
Na fotografe 10 serî verî Dîyarbekir de dewaya KCK de ameybî antene. Serra 2009 de beledîyeyê ke destê DBP de bî û xeylê sîyasetmedaran rê bi îdîaya ‘KCKyij ê’ ra operasyone ameybî kerdiş, mîyan de 83 sîyasetmedar zî estbî xeylê kesî ameybî tepiştiş û erzîyabî hepisxane. Kesê ke erzîyay hepisxaneyan qasê 5 serrî hepisxane de mendê û dewa hema zî teber ra dewam kena.
Mîyanê ê kesan de Hatip Dicle, Selim Sadak, Musa Farisoglullari, Tayîp Temel û Abdullah Demirbaş zî estbî.
Avukatanê kesê ke na fotografe de ca gênê semedo ke 18 aşme muwekîlê înan nêeşkê vejîyê mehkema, 15 aşme dosya ser o qerarê ‘nimite’ estbi û kelepçeyê plastîkî amê xebitnayîş dewa berd Dadgeha Heqanê Merdiman ya Ewrupa (DHME)
Dadgeha Heqanê Merdiman ya Ewrupa (DHME) bi sebebê “Heqê Azadî û Asayîşî Ameyo Îxlalkerdiş” Tirkîya sucdar kerd û qerarê tazmînatdayîşî da.
Dadgeha Heqanê Merdiman ya Ewrupa (DHME) waşt wa Tirkîya seba her muracatî 250 euro, pêroyî de 20 hezar û 750 euro tazminat bido