Merkezê Xeberan - Wezîrê Weşîye yê Tirkîya Fahrettîn Kocayî Twîter ra aşkere kerd ke, nêweşanê Korona ra yewna kese merda û hûmara merdeyan bîya 4.
Kocayî vat: 24 saetanê peyênan de 1.981 testan ra 181ê înan pozîtîf vejîyayî. Hûmara nêweşanê ma ya ke 191 bî şîyî dîyar bîye 359 û çi heyf o ke hûmara merdeyan zî bîye 4. Nêweşan ra cinîyêka 85 serre cuya xo vînî kerde. Dejê ma zêdîya la ma do ser bikewê.