Gorê beyanatê Dezgehê îstatîstî yê Tirkîya (TUÎK), Tirkîya de mabenê kesanê ke serrê înan 15 û 15'an ra pîlêr ê de nisbetê betalî menga Hezîrane de se ra 13 bîyo zêde.
Dezgeyê TUÎKî eşkere kerd ke Tirkîya de betalî bîya zêde. Goreyê doneyanê fermîyan yê betalî, Hezîrana 2019'an de goreyê serranê peyênan 938 hezar kesî zêde bîy û na hûmara bîy 4 mîlyon û 253 hezar.
Betalî se ra 2,8 zêde bîya û nisbeto newe bîyo se ra 13. Ame vatene ke hûmara raşteqîne ya betalan nê nisbetî ra zêdêr a.
Betalîya mabenê serranê 15-24'an de se ra 5,4 zêde bî û bîya se ra 24,8. Nisbetê betalî ya 15-64 serrîyan zî bîyo se ra 13,3. Nisbetê kesanê ke bê asayîşo cematkî ciwîyenî zî bîyo sê ra 35,2.