Teyrê koçberî germinîya zedeye ver hîna kêmî yenê Gelîya Dîjle û Bexçeyanê Hewselî.
Tewrê Koçberî hîna kêmî yenê Gelîya Dîjle û Baxçeyanê Hewselî. Fotografkar Mehmet Masûm Suer serran ra nat fotografanê Baxçeyanê Hewselî Gelîya Dîjleyî anceno. Goreyê malûmatan, Hewselî de 200 tewir teyrî cuwîyenê. La çi heyf ke serranê peyênan de na hûmare kewta.
‘Ganî çimê ma înan ser de bê û ma ganî înan bipawê’
Fotografkar Mehmet Masûm Suerî va, “Serranê peyênan de populasyonê teyran bedilîyayo. Xeylê sebeban ver teyrê koçberî kêmîyayê. La wina aseno ke emser do hûmara înan bizêdîya. Ganî çimê ma înan ser de bê û ma ganî înan û xozaya Hewselî bipawê. Eke ma wayîr bivejîyê, xozaya Hewselî do dewlemende biba. Ez hesasîyetê şarê ma vînena û no zî hêvîye dano mi. Eke ma xozaya xo bipawê, teyrî do tîya xo rê bikerê sitargehêk.”