Teyarayanê şerrî yê Tirkîya Herêma Kurdistanî bombarduman kerd û netîceyê bombardumanî de yew welatîyo Kurd ame kiştene.
Teyarayanê şerrî yê Tirkîya Herêma Kurdistanî bombarduman kerd û netîceyê bombardumanî de yew welatîyo Kurd ame kiştene. Çend rojîyo ke teyarayê şerî ê Tirkîya Herêma Kurdistanî bombarduman kenê.
Teyrayan na hewe da koyê Botînîyo ke herêma Hewlêrî de ca gêno ro. Goro ke vajîya welatîyo ke koyê Batinî de xo rê vaşê wisarî çînêne bîyo hedefê bombayanê teyarayan û qetil bîyo. Keso ke ame kiştene namê xo Lazim Elî Feqo yo û 60 serrî yo. Tirmê Lazim Elî Feqo vizêr ra nat koyê Batinî de bi û şarê a mintiqa ewro şi tirmê ey ko ser o ra ard war.
Hêzê asayîşî îzah kenê ke nê rojan de teyarayê şerî yê Tirkîya her roj koyanê Herêma Kurdistanî bombarduman kenê û şarî ra wazenê wa nêvejyê koyan ser û teyarayanê Tirkîya ra dûrî vindê.