Teyarayê şer ê Tirkîya çend rojîyo ke herêma Qendîlî bombarduman kenê. Teyarayê şer ê Tirkîya koyanê Asos, Saxî Korîs, derûdorê dewanê Albane Berde Girwê û Derekotir bordûman kerd.
Teyarayan ewro zî herêma Xakûrkî ya Başûrê Kurdistanî de bi namê “pence” operasyonêk da dest pêkerdiş. Wezaretîya Pawitişî ya Tirkiya aşkera kerd ke, şewa bîne eskerê Tirkîya bi destegê helîkopteran vîyartê herêma Xakûrkî.
Teyarayê şer ê Tirkîya şewa bîne ra nat Başurê Kurdistanî de herêma Basyan, Avaşîn, Heftanîn bombarduman kenê. Koyê Kurojero ke herêma Şêladize de ca gêno zî heta nika 3 hewe ame bombardumankerdene.
Goro ke vajîya şarê ê herêman bi vengê bombeyanê teyarayanê Tirkîya haye bîyo, heta nika çîyêk nêbîyo kesî la zeraro madî esto.
Nika serekkomarê Iraqî Berhem Salîh Tirkîya de yo û vajîyeno ke nê bombardumanê Tirkîya Berhem Salihî dir amo qisêkrdiş û Salihî desteg dayo operasyona Tirkîya.