Li eyaleta Haydarabadê ya Hindistanê, li baxçeyeke heywanan encamên testa coronayê ya 8 şêrên Asyayî pozîtîv derketin.
Li Hindistanê, ku pêketiyên coronayê li wî welatî 20 mîlyon derbas kir, vîrusa coronayê derbasî baxçeyeke heywanan jî bû. Li eyaleta Hyderabad ku dikeve başûrê wî welatî, li baxçeyeke heywanan encamên testa coronayê ya 8 şêrên Asyayî pozîtîv derketin.
Wezareta Hawirdor, Daristan û Guhertina Keşûhewayê ya Hindistanê ragihand ku ew baxçeyê heywanan a Covid-19 lê hate dîtin hat girtin.
Di daxuyaniyê de, hate tekez kirin ku tu delîl tune ku vîrusa corona ji van ajelan derbasî mirovan bibe û , heta niha mînakên li deverên din ên cîhanê nehatine dîtin.
Di wê baweriyê de ne ku vîrusa coronayê ji karmendên baxçeyê heywanan derbasî wan ajelan bûye.