Goreyê raporê teşrîna verêne yê KCDPyî camêrdan 18 cinîyî qetil kerdî û 19 cinîyî zî bi hawayêko şikdar merdî.
Platformê 'Ma do Verê Kişîyayîşê Cinîyan Bigêrê' raporê xo yê teşrîna verêne eşkera kerd. Goreyê raporî teşrîna verêne de camêrdan 18 cinîyî qetil kerdî û 19 cinîyî zî bi hawayêko şikdar merdî.
Rapor de wina ame vatiş: ''18 cinîyan ra 11 hetê mêrdeyanê xo ra, 3 cinîyî hetê waştîyanê xo ra, 1 cinîye hetê lajê xo ra, 1 cinîye hetê waştîyê xo yê peyênî ra, 1 cinîye hetê merdimê xo ra ameyî qetilkerdene. 13 cinîyî keyeyê xo de, 2 cinîyî mîyanê wesayîtî de, 1 cinîye werteyê kuçeyî de, 1 cinîye kargeh de, 1 cinîye buroyê avûkatan de kişîyayî.
6 cinîyî semedo ke waşt cîya bibê, têkilîye red kerde ameyî kiştene. Nêzanîyeno ke 12 cinîyî çira kişîyayî.
Heta ke nêro tesbîtkerdene ke cinîyî çira kişîyenê, verguman, şikdar û şikdarî bi hawayêkê edîlî nêrê muhakemekerdene şîdet do bizêdîyo û dewam bikero.''