Teşkîlatê PAKî yê Batmanî Dr. Sadiq Şerefkendî û embazê ey yad kerd

Teşkîlatê Partîya Azadîya Kurdistanî (PAK) yê Batmanî serrgêra şehadete Dr. Sadiq Şerefkendî û embazê ey ya 27ine de ê yad kerdî

Teşkîlatê Partîya Azadîya Kurdistanî (PAK) yê Batmanî serrgêra şehadete Dr. Sadiq Şerefkendî û embazê ey ya 27ine de ê yad kerdî

 

 

Programê yadkerdişî teşkîlatê PAKî de virazîya, endam û dostê PAKî program de ca girewtî.

 

 

Serekê PAKî yê Batmanî Aziz Özdemir şi meymanan ver. Seba şehîdanê Kurdistanî bi xususî zî seba Dr.Şerefkendî û embazanê ey hürmet ame nîşandayîş û marşê netewî (Ey Reqîb) ame wendiş. Rêzgirewtişî ra dima beyanatê PAKî hetê serekê teşkîlatê PAKî yê Batmanî Aziz Özdemirî ra ame wendiş:

 

 

Beyanatê PAKî de wina ame vatiş:

 

 

“Sekreterê Pêroyî yê PDK-Îranî Dr. Sadiq Şerefkendî 17ê êlûle serra 1992î de şaristanê Almanya Berlîn de pa hîrê embazanê  xo yê endamê PDKÎ hetê casûsanê Dewleta Îranî ra ame qetilkerdiş. Ma seba nê qetlîamî Dewleta Îranî reyna şermezar kenî. Ma serrgêra 27ine ya şehadetê înan de  Dr. Sadiq Şerefkendî û embazanê ey bi hurmet yad kenî.”

 

Wendişê beyanatî ra dima Azîz Özdemirî va:

 

 

"Dewaya ke Dr. Şerefkendî û embazanê  xo (Fattah Abdolî,Homayoun Ardalan , Nourî Dehkordî) seba ci cuya xo feda kerda, ewro her çar perçeyanê Kurdistanî de dewam  kena."

 

 

KIRDKÎ ( ZAZAKÎ) Haberleri

PWK: 1ê Gulana heme karker û kedkaranê dinya pîroz bo 
Serekê PWKê Mustafa Ozçelîk : Ma Amed Sporî Pîroz Kenê
Hîrê rojnamegerê Kurdî tewqîf bîyê
PWK: Ma Jenosîdê Ermenîyan Şermezar Kenê
PWK: 126 Serrîya Rojnamegerîya Kurdî Pîroz Bo