Merkezê Xeberan- Teşkîlayê Efûyî Yê Mîyannetewî (Amnesty International) aşkera kerd ke, artêşa Tirkîya û çekdarê OSOyî Rojavayê Kurdistanî de sûcê şerî kenê.
Rojavayê Kurdistanî rê hêrişê Tirkîya dewam kenê û roj bi roj zî oca de şaro sîvî yeno qetlkerdene. Heta nika zaf sivîlan canê xo da, xeylê kesî birîndar bîyê û bi seyan hezar kesî zî koçber bîyê.
Teşkîlayê Efûyî Yê Mîyannetewî (Amnesty International) qetlîamê Tirkîya ê ke Rojavayê Kurdistanî de benê ser o raportêk aşkera kerd û va: artêşa Tirkîya û çekdarê OSOyî Rojavayê Kurdistanî de sûcê şerî kenê.
Teşkîlatî da zanayîş ke destê înan gelêk belgeyi estê, heme belgeyan de zî aşkerayo ke Rojavayê Kurdistanî de sûcê şerî yeno kerdene.
Raportê teşkîlatî de behsê kişyayîşê sîyasetmedara kurde Hevrîn Xelefe zî beno û ame vatiş ke, roja ke Hevrîn Xelefe hetê çekdaran ra ameya qetlkerdene 9 sivîlê bînî zî hetê nê çekdaran ra ameyê qetlkerdene.