Hemserekê Şubeya Yewine ya Egitim-Sena Dîyarbekirî Zulkuf Guneşî kerd eşkera ke tercîhkerdişê Kurdkî se ra vîst zêdîyayo û partîyê ke meclise de grûbê înan estê ganî paştî bidê na rewşe.
Hemserekê Şubeya Yewine ya Egitim-Sena Dîyarbekirî Zulkuf Guneşî kerd eşkera ke tercîhkerdişê Kurdkî se ra vîst zêdîyayo û partîyê ke meclise de grûbê înan estê ganî paştî bidê na rewşe.
Zulkuf Guneşî va, “Ma tam nêzanê kes wendekaran dersa Kurdkî weçînaya la goreyê malûmatanê wezaretîye, emser tercîhkerdişê dersa Kurdkî qasê se ra vîst zêdîyayo. Ganî perwerde bi dersanê weçîniteyan ney bi temamî ziwanê dayîke de bibo.”
‘Mamosteyê Kurdkî nînê tayînkerdiş’
Guneş derdeqê meseleya mamosteyan de va, “2012î ra nat pêro pîya 120 (Kurmanckî-Kirmanckî) mamosteyê Kurdkî ameyê tayînkerdiş. Nê mamosteyan zî mobîngan, tersê îxracbîyayîşan ver biranşê xo bebilnayê. Bi goreyê malûmatanê ma nika 79 mamosteyî hê xebitîyenê. Nê problemi pêro hetêk, emser tercîhkerdişê dersa Kurdkî qasê se ra vîst zêdîyayo. Ma wezarete ra waşt ke wa îstatîstîkan ma de pare bikerê. Ê malûmatî ke bikewê destê ma, ma do rewşe hîna başe fam bikerê. Ma partîyanê sîyasîyan ra vanê wa paştî bidê ziwanan û wa derheqê ziwanan de sere bidejnê ke qanûnêk bivejê. Sewbîna zî waştişê ma oyo ke wa 21ê Sibate bibo sey roşanê fermîyî û bêro pîrozkerdiş.”
AMED