Tepişteyo nêweş Mehmet Emîn Ozkan seba raporî ewilî sewqê Xarpêtî dima ra zî sewqê Dezgehê Tipê Edlîyî yê Îstanbulî ame kerdene.
Tepişteyo nêweş Mehmet Emîn Ozkano 83 serre Zîndanê Amedî ra verî sewqê Xarpêtî ame kerdene û dima ra zî sewqê Dezgehê Tipê Edlîyî yê Îstanbulî bi.
Avûkate Aslihane Bulut pare kerd ke Ozkan ewro do neqlê Îstanbulî bibo û va: ''Ma nêzanenê o do kamcî zindanê Îstanbulî bimano.''
Ozkan 1996 de Mersîn de pê sûcdarîya 'endamîya rêxistine' amebi destbendkerdene û pê bahaneya kişîyayîşê Tuggeneral Bahtîyar Aydin cezaya muebede dîyaye ci. Ozkan 25 serrîyo zîndan de yo û nê serran de 5 reyî qelbê ci vindert, 4 reyî anjîyo bi. Ozkan de nêweşîyê guatir, tansîyon, helîyayîşê esteyan, nêweşîyê roqelayan û qelsbîyayîşê hîşî estê.