Îran de komêke nameyê ci "Edaleta Elî ya", televîzyonê dewlete hack kerd.
Dimayê kiştişê Jîna Mahsa Emînî ke hetê “polîsê exlaq” yê Îranî ra amebî kiştiş, serewedaritişê Rojhelat û Îran de vila bi, bi hewteyan dewam keno. Çalakîyê hemverê rejîmî de heta nika tewr tay 185 kesî ameyî kiştiş. Pêwa çalakîyê kuçeyan û wareyan, rejîmê Îranê zî beno hedefê hêrişê sîberî.
Koma bi nameyê “Edaleta Elî” televizyonê dewlete demo ke qiseykerdişê rayberê dînî Ayetullah Elî Xamineyî bultenê xeberan ê televîzyonê dewleta Îranî de ameyîne weşanayîş hack kerd. Semedê Jîna Mahsa û cinîyê ke çalakîyan de ameyî qetilkerdiş, bi sloganê "cinî cuye azadî" ame dayîş.