Roja 08.01.2021î de Platformê Ziwanê Kurdkî beyanatêk dabi çapemenî û TDK (Dezgeyê Ziwanî ya Tirkî) ra waştbi wa xebatanê xo de ca bido kurdkî zî.

PZKyî vengdayîşê xo de waştbi wa TDK (Dezgeyê Ziwanî ya Tirkî) ferhengê Kurdkî çap bikero.

TDK (Dezgeyê Ziwanî ya Tirkî) ewro cewab da vervatoxê Platformê Ziwanê Kurdkî Şerefxan Cizîrî û va: Serra 2014î de fergengê Tirkî-Kurdkî çap bîyo.

Platformê Ziwanê Kurdkî, TDK (Dezgeyê Ziwanî ya Tirkî)  ra nê çîyî waştbî: Wa TDK Amed de şubeyêkê Kurdkî akero, sempozyêmêkê mîyannetewî virazo, 3 aşman ra rayêk Kovarêka Kurdkî vejo û fergengêkê Kurdkî ça bikero

TDKyî cewabê xo yo ke dayo Platformê Ziwanê Kurdkî de wîna vato:

“Semedo ke şima venga Sazîya Ziwanî ya Tirkî dayo ma şima rê spas kenê. Wazîfeyê ma gorê qanûnê 664î û qerarnameyê madeyê 10inî bewlî yê. Dezgeyê ma goreyê ê qanûn û madeyî xebatanê xo keno. Ferhengo ke şima behsê ci kerdo serra 2014î de bi Tirkî-Kurdkî ameyo çapkerdene. Seba fikir û pêşnîyazanê şima ma şima rê sipas kenê.

Prof. Dr. Gürer GÜLSEVİN serek