Merkezê Xeberan- Şûbeyê Komela Heqanê Merdiman(İHD) yê Batmanî seba na operasyona tepiştişî beyanatêk da û tepişyayîşê endamê ÎHD şermezar kerd.
Beyanatê Şûbeyê ÎHD yê Batmanî de wina ame vatene:
Tirkîya de hema her roje bajarêk de kesê ke warê kede, demokrasi û heqanê merdian falîyet kenê rastê tedayî yenê û yenê tepiştene.
Vîzîrserê siba Hemserekê Şûbeyê Anqara yê ÎHD Fatîn Kanat, Endamanê heyete Pêroyî yê Şûbeyê Batmanî ra Cengîz Firat û Mahfuz Akgul û Batmanî ra xeylê endamê HDP, pêroyî de 20 kesî, Parlementerê HDP yê Semsûrî yo verîn Behçet Yildirim, endamê Sendîqaya SESî Fîkret Çalagan û Belkis Yurtsever, Av. Kemal Akalin hetê polîsan ra amê tepiştene.
Goreyê zanayîşan wexto ke nê kesî amê tepiştene rastê zorîye amê, bere keyeyê înan ame şikitiş.
Keyeyê endamanê ma Cengiz FIRAT û Mahfuz AKGUL yeno zanayîş. Eke biveynêne înan şîyêne û îfade dayene la polîsan eşt keyeyê înan ser û ê tepişti.