Namzetê Serbixwe yê Şaredarîya Bajarê Mezin a Stenbolê yê Tifaqa Welatperwer û Demokrat, xwebatên xwe yên hilbijartinê didomîne.
Bi vê hilkeftê Celal Baykara û şandeyek pê re roja duşemê 11ê Adarê çûn serdana Weqfa Lêkolîn û Çanda Kurdî (KURD-KAV) û ji alîyê Seroka KURD-KAVê Fusûn Kilikap û ji rêvebiriya weqfê Abdurrahîm Deli, Faruk Durre, Emin Eren û Semra Arcan Gokçen ve hatin pêşwazîkirin.
Rêzdar Fusûn Kiliçkap xweşhalîya xwe bo serdana Baykara û şandeyê anî zimên û got ew serkeftinê ji vê rêya pîroz ku Birêz Baykarayî ketiye ku ew ji bo doza kurd û Kurdistanê emrekî terxan kirîye.
Baykarayî jî sedema danîna namzetîya xwe rave kir û got me xwest ku kurd û kêmarên dinan bê alternatîf nemînin ketine rê.
Ji alîyê xwe va, Celal Baykara û Serokê Giştî yê PAKê Mehmet Gul û şandeyek ji Tifaqê, roja sêşembê jî serdana Sendîkaya Kedkarên Tenduristîyê-SESê kir.
Li SESê jî Baykara li ser girîngîya mafên kurdan û kêmarên dinan sekinî û amaje bi vê yekê kir ku rêvebirina şaredarîyan ne tenê ji xebatên jêrxane û jorxaneyan pêk tê jê girîngtir ev e ku mafê azadîya çanda xelkê ku li wî bajarê dijîn yek ji girîngtirîn peywirên şaredarîyan e.