Wezîrê Karanê Zereyî Suleyman Soylu hetê esnafan Kerboranî ra ame protestokerdene.
Wezîrê Karanê Zereyî Suleyman Soyluyo ke semedê ‘’Kombîyayîşê Asayîşî yê Bajarî’’ şi Merdîn waşt esnafanê Kerboranî zîyaret bikero la esnafan o protesto kerd.
Seba ke Soylu yeno Kerbaronda rayîr ameyî şutene û tehmîrkerdene. Soyluyo ke bi helîkopterê leşkerî ame bajar semedê ey kuçeyî ameyî vengkerdene. Soylu bi konvoyêkê bi desan wesîyatan esnafî zîyaret kerdî la Soylu raştê protestoyan ame.
Esnafanê ke eşnawit Soylu yeno cade dikanê xo qefilnayî. Soyluyî çar dikanê akerdeyî zîyaret kerdî û mecbur mend ke zîyaretê xo nîme de bibirno.
Soylu dima semedê ‘’tewrbayîşê têhetameyîşê’’ ciwanan şi Parka Azadîye. Dîya zanayene ke semedê nê têhetameyîşî bajaranê dormeyî ra ciwanî dîyayî ardene.