Berî bîstekê, li Soçiyê civîna De Mistura bi şanda Rûsî re bidawî bû.
Li gor K24ê De Mistura gotiye “Ev tenê destpêka civînan e û civîn berdewam dibin. Di civîna bi şanda Rûsî re pirsa Komîta Destûrî hat gotbêjkirin.”
Hat gotin ku hin alî naxwazin pirsa Komîta Destûrî di gera 10emîn a danûstandinên Astanayê bê gotûbêjkirin û alî dibêjin ev pirs gelekî girîng e û pêwendiya wê bi pêşeroja siyasî ya Sûriyê heye û pêwîst e pirsa destûrê li danûstandinên Cenêvê bê gotbêjkirin.
Piştî pêşketina artêşa Sûriyê li başûrê Sûriyê, Rûsya hewl dide pirsa sereke ya Komîta Destûrê di vê gerê de bipaş bixwe û mijarên wek encamên dawî yên şerê li dijî terorê, pirsa vegera koçberan û rewşa mirovî li Sûriyê gotûbêj bike.
Derbarê bernameya civînê îro yên bajarê Sochi de peyamnêrê K24ê da zanîn jî, niha şanda Rûsya û Îranê dicivin, piştre û di demjimêr 15:00 şanda Rûsya û Tirkiyê dicivin û biryar e êvarê jî şanda Rûsî ligel şanda opozîsyona Sûriyê bicive.
Diyar kir jî, îro hevdîtin bi awayekî cuda cuda dibin, sibe jî her sê welatên gerentîker Rûsya, Tirkiye û Îran bi amadebûna Nûnerê Taybet ê Netewên Yekgirtî De Mistura ligel şandên hikûmet û opozîsyona Sûriyê li ser yek maseyê kom dibin û guftûgoyan dikin.
Îro û sibe 30 û 31 vê mehê gera Astana 10 bi beşdariya nûnerên Rûsya, Îran, Tirkiye û şandên hikûmet û opozîsyona Sûriyê li Sochi birêve biçe, Netewên Yekgirtî û Urdinê jî wek çavdêr beşdar dibin.