Merkezê Xeberan - Sîyasetmedaro Kurd Dr. Tarık Ziya Ekinciyî erazîya ke babîyê ey ra mendbî bexşê Weqfê Îsmalîl Beşîkçî kerde
Sîyasetmedaro Kurd Dr. Tarık Ziya Ekinci serra 1950yî ra nata mîyanê sîyasetî de ca gêno. Ekincîyî waşt ke erazîya ke babîyê ey ra mendbî da Weqfê Îsmaîl Beşîkçî.
Sîyasetmedaro Kurd Dr. Tarık Ziya Ekinci vano ke, şeşt sey donim erazîya min babîyê min ra menda. Nê erdî her çiqas babîyê min ra mendê zî ê şarê Kurdî yê. Ez wazena na erazîya xo bidî ke wa semedê Kurdan xebate bêra kerdene.
Dr. Tarik Zîya Ekîncî Weqfê Îsmaîl Beşîkçî de têkilî na ro û nê nîyatê xo înan dir pare kerd. Wefqê Îsmaîl Beşîkçî zî waştişê Zîya Ekîcî qebûl kerd.
Naye ser Dr. Tarik Zîya Ekîncî û cinîya ey Perihan Ekinci erazî rot û pereyê Erazî bexşê Weqfê Îsmail Beşikçi kerdî.