Merkezê Xeberan
Parlementerê HDP yo verîn Sirri Sureyya Onder hepisxane ra ame tehlîyekerdiş. Mehkemeya Qanûnê Bingehinî vizêr seba dewaya Onderî qerarê ‘ îxlalî’ dabî. Naye ser o Onder hepisxane ra ame vetiş.
Mehkemeya Qanûnê Bingehinî dewaya Sirri Sureyya Onderî ser o cigêrayîş kerd. 3 serrî û 6 mengî cezaya Hepisxaneyî dîyabî Sirri Sureyya Onder. Onder hepisxaneyê Kandira de mendêne û qerarê mehkeme ser o ame tehlîyekerdiş.
Mehkemeya Qanûnê Bingeyênî qerar da ke azadîya îfadekerdişî ya Sirri Sureyya Onderî ameye binpaykerdene.
Wekîlo Verên ê HDPî Sirri Sureyya Onderî rîyê qiseykerdişê xo yê Newroze yê 2013î ê Meydanê Kazliçeşme ra 6'ê Kanûna 2018 ra nata Zîndanê Kandira yê Tîpê F'yî de tepişte yo.
Mehkemeya Ceza ya Girane ya 26'ine ya Stenbolî bi îddîaya "propagandaya rêxistine" cezaya zîndanî dabi Onderî û Mehkemeya Edlîye ya Herême ya Stenbolî (îstînaf) cezaya zîndanî tesdîq kerdibi û ceza ameybi birnayîş. Mehkemeya Huqûqê Bingeyênî muracatê Onderî ser o cigêrayîş kerd û qerar da ke Onder bêro veradayîş.