Rayberîya Nehîyeya Sîdekanî aşkere kerd ke, şewa bîne mabênê gerîlayanê PKKî û artêşa Tirkiya de Koyê Dêlê de şerêko xidar vejîyayo.
Îhsan Çelebî îfade kerd ke, Tirkîya û PKK bi doçkan, biksî û kilaşînkofan şer kenê û welatiyê nehîyeya Sidekanî binê bombardumanî de ya.
Gorê vatişê Îhsan Çelebî, heta nika zîyanê madî û canî bîyo yan nêbîyo nêno zanayîş.
Heto bîn ra derheqê nê şerî de hetê PKK û Tirkiya ra heta nika beyanatêk nêameyo dayîş.