Merkezê Xeberan - Silîvan de 2 birayî seba ke adirê înan bibi berz şîy Nêweşxaneyê Dewlete yê Dr. Yusuf Azizoglu. 2 birayan rê testê Korona ame kerdiş û testê her diyan zî pozîtîv vejîya.
Dewa Dilimalan ya Silîvanî de testê korona yê 6 kesan pozîtîv vejîya û her şes kesî zî keyeyêk ra bî.
Welatiyê ke testê înan yê korona pozîtîv vejîya û wedarîyay Nêweşxaneyê Perwerde û Cigêrayîşî yê Amedî.
Goro ke vajîyeno heta niha Amed de hezar û 150 kesî bi vîrusê korona kewtê û Roşanê Remezanî ra dima testê korona yê 200 kesan pozîtîv vejyayo. Nika Amed de qasê 300 kesî zî keyeyanê xo de tedawî vînenê.