Şeyda Asmîn 1977î de dewa Gimgimî ya Sêgire de ameye dinya. Wendişê xo heta zaningehî dewam kerdo. 2009î de nat bi Kirmanckî nusena. Xeylê nuşte û hîkayeyê aye Newepel û Şewçilayî de weşanîyayê. ‘Zeman Sey Fekê Kardî bî’ kitabe aye yo hîkayeyan o. Kitab Weşanxaneyê Roşnayî ra vejîyayo. Şeyda Asmîn hîkayeyanê domananê koyî nusena. Babetê hîkayeyanê aye, rewşa welatî, halê cinîyan, domantî û cuya koyî yê. Ziwanê Şeyda zaf dewlemend o. Yeno famkerdene ke Kurmanckîya aye zî baş a. Ma nê hîkayeyan de kulturê cuya koyan musenê. Ziwanê aye şîîrkî yo. Hîkayeyanê aye de ziwanêko samîmî ameyo şuxilnayîş. Ma hîs kenê ke hedîseyê ke qewîmîyenê raşta zî qewimîyayê. Eke şima zî biwazê cuya domananê koyî bimusê, kitabî peyda bikerê û gilê koyan ser ra bigêrê.
Şeyda Asmîn, Zeman Sey Fekê Kardî bî, 152 r., Weşanxaneyê Roşnayî, Dîyarbekir, 2013.