Merkezê Xeberan- Merkezê Kaşkaşî yo ke mintiqaya Qerejdaxî de ca gêno û girêdayîyê Sêwrege yo de sezonê kaşkaşî bi def û zirneyan abi.
Merkezê Kaşkaşî 45 kîlometre dûrê Sêwrege de, mintiqaya Qerejdaxî de yo. her serre bi varayîşê vore koyê Qerejdaxî vore gêno û şarê a mintiqa û teber ra xeylê kesî Merkezê Kaşkaşî ziyaret kenî û pê vore keyf kenî.
Nika qalindîya vore 80 santimetre ya. Emser zî sezonê kaşkaşî bi kaykerdişê goveng û bi pirodayîşê def û zirne dest pêkerd.
Şaro ke yeno Merkezê Kaşkaşî hetêk ra bi kaşkaşan xo koyî ra veradano waro, keyf keno û hetêk ra zî kebabê xo pewjeno û weno.
Tayn kesî zî Merkezê Kaşkaşî de pê legenê ke xo reyde ardbî keyfe kaşkaşî kerd.
Xebere: Sertaç Kayar
Çime: Sputnik