Dêrsim de şewato ke 17ê tebaxe de Xozat de vejîyabi vera-vera vila beno.Pulurî ra dima şewat resa merkezê Dêrsimî zî. Qezaya Xorxolî ya Çewlîgî de zî şewato ke vizêr vejîya vila beno.
17ê tebaxe de operasyonê eskerî de şewat vejîyabi. Semedo ke şewatî rê mudaxele nêame kerdene şewat verê cû vilayê Pulurî bi. Dîya zanayîş ke şewat nika zî resayo merkezê Dêrismî.
Nêrazîbîyayîşan ra dima şewatî rê mudaxele yeno kerdene la şewat vera-vera vila beno. Vizêr zî Gelîya Munzurî de şewat vejîyabi.
Şewatê Gelîya Munzurî bi hawayêka bitesîrî zaf lez vila beno. Serê sibayî şarê herême tîmanê îtfaîya reyde keno ke şewat hewna biko.
Çewlîg
Deweka Xarsakî ya dewa Conagî ya qezaya Xorxolî ya Çewlîgî de zî vizêr şewat vejîyabi. Şewat pê tesîrê vayî vila beno. Mîyanê daristanan ra dû berz beno.