Şewato ke 6 rojî verî Çemê Roje yê Gelîya Pilemurîye yê Dêrsimî de vejîyabi ame hewnakerdene.
Şewato ke 28ê tebaxe de Çemê Roje yê Gelîya Pilemurîye yê Dêrsimî de vejîyabi, vizêr şewe ame hewnakerdene. Xebatkaranê Şarederîya Dêrsimî semedo ke newe ra şewat nêvejîyo xebata serdinkerdişî kenê.
Şewato ke qezaya Xozatî de netîceya operasyonê leşkerî de vejîyabi 15 rojan ra dima amebi hewnakerdene. Dima Çirrê Firtina Welîyî yê Gelîya Munzurî de şewat vejîyabi û vilayê taxa Turuşmekî bibi. Şewatê Çirrê Firtina Welîyî 3 rojan ra dima amebi hewnakerdene.