Erdlerzê Sêrtî de zerar gina bananê dewa Aynderî. Kerrayê ke qerajan ra kewtî rayîrê Sêrt, Hewêl-Bedlîsî qefilnayî.
Serê sibayî qezaya Misircî ya Sêrtî de bi girdîya 5.1 erdlerzêk qewimîya.
Hema nêzanîyeno ke erdlerz de kesêk/e merd/e yan nê. La vajîya ke dewa Aynderî ya bajarekê Zoqeydî de tay keyeyî texrîb bîyî û mînareya camî rijîyaya.
Ame parekerdene ke xeylê dewanê qeza de keyeyî texrîb bîyî.
Heto bînîra kerrayê ke qerajanê koyan ra kewtî rayîrê Sêrt, Hewêl-Bedlîsî qefilnayî. Seba ke rayîr abibo ekîbî sewqê herême bîyî.