Bo seredanekî fermî wezîrê karên derve yê Qatarê Şêx Muhammed bîn Abdurrahman Al Sanî bi heyeta xwe ve li payîtexta Herêma Kurdistanê li Hewlêrê ye û îro seredana serokê Herêma Kurdistanê Nêçîrvan Barzanî kir. Wezîrê Qatarê nameya dawetê ya ji serokwezîrê Qatarê ji Şêx Xalid bîn Xelîfe bîn Abdulaziz Al Sanî da Nêçîrvan Barzanî û wî dawetî Qatarê kir.
Di hevdîtinê de cîgirê serokê Herêma Kurdistanê Cefar Şêx Mistefa û hinek rêvebirên din jî amade bûn. Her dû alî li ser têkiliyên Herêma Kurdistanê û Qatarê, pêşdeçûnên li herêmê û bo di herêmê de îstîqrar çêbibe, behsa girîngiya koordînasyonê kirin. Di hevdîtinê de behsa veberhênerên Qatarê ku li Kurdistanê veberhênanê bikin hat kirin, behsa têkoşîna li dijî Kovid-19 ê û tevgerên İŞİD ê li herêmê kirin.
Nêçîrvan Barzanî daweta serokwezîrê Qatarê qebûl kir û xwest ku bi Qatarê re pêwendiyên Kurdistanê bêhtir bipêşbikevin. Barzanî her weha bi kêfxweşî behsa vekirina konsulxaneya Qatarê ya li Herêma Kurdistanê kir û girîngiya Qatarê ya di herêmê de anî ser ziman.
Barzanî her weha kêfxweşiya xwe bo çareserkirina pirsgirêkên navbera Qatarê û welatên Kendavê kir û behsa girîngiya hevkariyê ya di herêmê de kir.