Serokwezîrê Israîlê Naftali Bennet di axaftina xwe ya li pêş nûnerên Parlamentoya Îsraîlê (Knesset) de got “Hêvî dikim Lubnan û Iraq ji bin bandora hêzên Pasdarên Îranî derkevin. Li her cihekî Îran lê be aramî namîne”
Naftali Bennett di destpêka civîna kabîneyê ya roja Yekşemê de hişyarî da ku bandora Îranê li pişt bûyerên vê dawiyê yê li Libnan û Iraqê heye.
Bennet herwiha got “Her cihekî ku Îranî diçin tundûtîjî, têkçûn, hejarî û ne aramî çêdibe.”
Axaftina Bennet di demekê de ye ku li Iraqê grûpên ser bi Îranê wek Hevpeymaniya Fetih di hilbijartinên parlamentoyê de tenê 15 kursî bi dest xistibûn û li Lubnanê j' xwepêşandaneke Hizbullahê ketibû ber êrîşan û di encam de 7 kes ji alîgirên wê hatibûn kuştin.