Serokê PAKê Mustafa Özçelik roja 15.07.2021e li gel Cîhgirê Serokê Giştî yê PAKê Vahit Aba, Seroka Komîsyona Jinan a PAKê Nezîhe Karahan û endamê Meclîsa PAKê Husnu Onuk, seredana Teşkîlata Batmanê(Êlih) ya PAKê kirin.
Serokê Teşkîlata Batmanê ya PAKê Aziz Özdemir û rêveber û endamên PAKê pêşewazîya heyeta PAKê kirin.
Serokê PAKê Mustafa Özçelik li ser rewşa sîyasî ya her çar perçeyên Kurdistanê û Tirkîyeyê nirxand, bîr û bawerî û sîyaseta PAKê anî ziman, di derbarê xebatên PAKê de agahdarî da.
Li gel rewşa pandemîyê û germahîya havînê û li gel ku cihê civînê gelekî biçûk bû jî, gelek endamên PAKê , nûnerên ENKSyê û welatperwerên Kurd ên li Batmanê jî beşdarî civînê bûn.
Piştî axaftina Mustafa Özçelik, beşdarên civînê jî pirsên xwe kirin, fikir û pêşniyarîyên xwe pêşkêş kirin.
Civîn bi awayekî berhemdar bi dawî hat.
Buroya Çapemenî û Ragehandinê ya PAKê