Serokê PAK a Rojhilat Husên Yezdanpena ligel Berpirsyarê Hewlêrê û endamê Komîteya Navendî ya PAK a Rojhilat Xelîl Nadirî pêşewaziya heyeta PAKê kirin.
Heyeta PAKê ji ber wê erîşa çekdarî ku di roja 12.04.2018an li Hewlêrê lê hatibû kirin, seredana Husên Yezdanpena kir.
Serokê Giştî yê PAKê Mustafa Özçelik,ji ber vê erîşa terorî xem û dilêşiya xwe anî ziman û Dewleta Îranê rûreş kir. Mustafa Özçelik got "Cihe dilxweşiyê ye ku cenabê te bi sax û selametî ji vê erîşê rizgar bûye’’.
Serokê PAK a Rojhilat Husên Yezdanpena jî spasiya heyeta PAKê kir.
Heyeta herdu PAKan di derbarê rewşa her çar perçeyên Kurdistanê de bîr û rayên xwe anîn ziman.
Herwiha herdu aliyan bal kişandin li ser pêwîstî û girîngiya pêşdebirina peywendiyên herdu partiyan.
Hevdîtin di atmosfereke germ û dostane de derbas bû.