Îro roja pêncşemê 15.07.2021 li Selaheddîn Serok Mesûd Barzanî pêşwaziya Kardînal Luis Sako Patriyarkê Dêra Kildanî li Iraq û cîhanê û şandeke li gel da kir.
Di vê hevdîtinê de di derbarê rewşa siyasiya Iraqê û gefên emnî û siyasiyên li ber proseya siyasiya Iraqê û pêkvejiyana pêkhatên Iraqê de danustandina bîr û ramanan kirin.
Her li vê civînê de Patriyarkê Dêra Kildanî li Iraq û cîhanê pêzanînên xwe ji bo hewlên Serok Mesûd Barzanî ya ji bo parastina pêkhatan û kûrtirkirina kultûra pêkvejiyan û tebayî ya di navbera pêkhatên olî û neteweyiyên Herêma Kurdistan û Iraqê de hebû.
Li dirêjahiya vê hevdîtinê de tekez li ser xweşkirina wan bingehan kirin ku dibine sedema wê yekê ku Krîstiyan û pêkhatên din bêne handan ku vegerin cih û warên xwe û hizr û bîra bi cîh hiştina welatê xwe nekin.