Serok Mesûd Barzanî ji ber koça dawî ya hevjîna Îsmaîl Bêşikçî peyamek sersaxiyê belav kir.
Serok Barzanî ji ber koça dawî ya hevjîna Îsmaîl Bêşikçî, Leman Bêşikçî peyamek arasteyî Bêşikçî kir. Peyama Barzanî wiha ye:
Bi navê Xwedayê bexşinde û dilovan
Bo bîrmend û dostê qedirgiran yê gelê kurd prof. Îsmaîl Bêşikçî
Bi keserek mezin me nûçeya koça dawî ya hevjîna we ya birêz Leman Bêşikçî bihîst. Ez sersaxiyê arasteyî we û malbata we ya birêz dikim û xwe şirîkê xema we dizanim.
Ji Xwedayê mezin dixwazim ruha hevjîna we ya rehmetî bide ber dilovaniya xwe û sebr û hedarê jî bide hemiyan.
Înna Lîlah û Înna Îleyhî Raciûn