Navenda Nûçeyan- Doh roja înê 06- 12- 2019an Serok Mesûd Barzanî debarê wê bûyera diltezîn ya li bajarê Seqizê yê Rojhilatê Kurdistanê peyameka serxweşyê belav kir.
Peyama Serok Barzanî wiha ye:
Bi mixabinîyeke zêde ve şeva derbasbûyî li encama rûdanekî diltezîn ya li holekî dawet û hevjînîyê ya li bajarê Seqizê hejmarek hemwelatîyên vî bajarî canê xwe destda û hejmareke din jî birîndar bûn.
Bi vê helkefta xemgîn de pirse û serxweşîya xwe pêşkêşî kesukarên qurbanîyên wê rûdana diltezîn dikim û hêvîya başbûna bi lez jî ji bo birîndaran dixwazim û xwe bi hevbeşê xema hemwelatîyên xweşdivîyê bajarê Seqizê dizanim.