Serok Mesûd Barzanî di 33.yemîn salvegera kîmyabarana Helebcê de peyamek belav kir û ragehand, hîn deng û hizra şovenîstî li Iraqê serdeste.
Îro 16.03.2021ê serok Barzanî bi rêya pêgeha taybet a xwe ya civakî twitterê de belav kir û ragehand: ‘’Cîhê şermeke mezine piştî tewanê kîmyabaran Helebcê û ew jenosoîda li dijî xelkê Kurdistanê pêkhatiye, hîn deng û hizra şovenîstî li Iraqê serdeste û dijatiya mafên gelê Kurdistanê tê kirin.’’
Îro 33 sal li ser kîmyabarana Helebcê derbas dibe ku ji aliyê rejîma Beis ve pêkhat û ji ber wê jî 5 hezar hemwelatiyên bajar şehîd bûn û bi hezaran kesên din birîndar bûn, bi sedan kes jî belav bûn û ji malbatên xwe qut bûn.