Serekomarê Îraqî Berhem Salih ame Tirkîya û Serekomarê Tirkîya Recep Tayyîp Erdogan dir ame yewca.
Her di serekkomaran demêk kombîyayîş kerd û dima ra pîya beyanat day çapemenî. Erdoganî va: Ma do welatê Iraqî dir têkilîya xo xurt bike û biresne merheleya stratejîk. Erdoganî semedê welatê Iraqî wina va: Yewîya Iraqî û pawitişê erdê ey bingehê sîyasetê ma yo. Tirkîye qayîla prosesê newe ra awankerdişê Iraqî de wezîfe bigîro. Huzurê Îraqî seba ma muhîm o û ma qayîlê hetê tîcaretî û ekonomî ra pîya xebate bike.
Serekwezîrê welatê Iraqî Berhem Salihî zî qisêkerdişê xo de va: Iraq prosesêko newe ra vîyareno. Iraq hetê asayîş, ekonomî û eskerî ra xo keno newe. Ma zî qayîlê wa sere de Iraq, mîyanê heme cîrananê ma de huzur bibo. Ma Tirkîya dir dost ê û dostîya ma do dewam biko.
Serekomarê Îraqî Berhem Salihî û Tirkîya û Serekomarê Tirkîya Recep Tayyîp Erdoganî pîya koşka Erdoganî de fitarê xo akerd.