Merkezê Xeberan - Verfekê Serekkomarê Afganîstanî Sidîq Sidîqî aşkere kerd ke, bi fermanê Serekkomarî, sey gama yewine qerarê azadkerdişê 1500 çekdaranê Talîbanî ameyo dayîş.
Gorê verfekê Serekkomarê Afganîstanî, 1500 çekdarê Talîbanî do roja 14.03.2020î bêrê azadkerdene.
Sidîq Sidîqî va, Talîban wazeno wa heme endamê înan ke hûmara înan 5 hezar a bêrê veradayîş la no zî zehmet o.
Roja 29.02.2020î temsîlkarê Talîbanî û Amerîka paytaxtê Qeterî Doha de pêameyîşê şerî îmza kerdbî.