Serekê Pêroyî yê Partîya Welatparêzanê Kurdistanî (PWK) Mustafa Ozçelîk:
Bi hêvîya azadî, aştî û cûyêka însanî serra 2024î şaranê Kurdistanî û heme dinya rê pîroz be!
Miletê Kurd û kurdistanîyan serrêka bîne zî binê dagirkerî, bindestî, zilm û zordarîye; bi dej, keder û xeman peyê xo de verda.
Bi hêvî, waştiş û bawerîya ke serra 2024î de kulturê fedakarî, dilsozî, qirarrdarî, xebat, nefsqijî, mîyanê cimatê Kurd de hurmetdayîşê yewbînî, mîyanê cimatê kurd û kurdistanîyan de hîra bibo û aver şêro.
Bi hêvî, waştiş û bawerîya ke serra 2024î Bakurê Kurdistanî de biba serrêka xurtbîyayîş û averşîyayîşê hişmendîya neteweyî, welatperwerî; hereketa milî, demokratîk, xetêka neteweyî û kurdistanî ser bieşkîyo yewitî û hemkarîyê biîstîkrar, mendde û hîra bîyaro ca; dîyalog û hemrêzîya mîyanê hereketa neteweyî û demokratîk xurtêr û averêr bibo; hereketa neteweyî û kurdistanî bieşko siyasetêko realîst ya ke dostanê xo zêde û dişmenanê xo kêm biko, bîyaro ca.
Bi hêvî, waştiş û bawerîya keserra 2024 de bi yewitîya heme partîyanê sîyasî yê Başûrê Kurdistanî û bi hetkarî, hemkarî û hetkarîya heme Kurdanêdinya, qezencê federe yê Herêma Kurdistanî bêrêpawitiş (seveknayîş); Kerkûk, Şingal û hemecayê îşkalkerdeyî bikewêdestê Serekî, Parlamento û Hukmatê Herêma Kurdistanî.
Bi hêvî, waştiş û bawerîya keserra 2024 de Rojavayê Kurdistanî de heme partîyê Kurdan îdareyêkê hempar yêeskerî, sîyasî, îktîsadî, dîplomasî û îdarî ser o pê bikê, statuya ke esta bipawê, rayîrê qezencanê netewî, demokratik aver û xurtêr bikê.
Bi hêvî, waştiş û bawerîya ke serra 2024 de,Rojhilatê Kurdistanî de heme partîyê netewî, niştimanî yewîya xo awan bikê û bi amadeyîyêka hîna organîze û xurtsemedê bîyayîşanê neweyan xo amade bikê.
Bi hêvî, waştiş û bawerîya keserra 2024 her cayê dinya de rayîrê cuyêkêmerdimane, azad,demokratîk, adilane, aştîyane, seypê heme merdimayîye rê abibo.
Bi hêvî, waştiş û bawerîya keserra 2024 de weşî, sihet û bextewarî bibê şirîkê cuyayîşê ma, bi hîs û vîr û bawerîyê xo yê netewî, niştimanî û merdimayî ez serra newîye ya heme heval û dost û nasanê xo, serra newîye ya hemeşarê ma yê Kurdistanî û ya hememerdimayî pîroz kena.
31.12.2023
Mustafa Ozçelîk
Serekê Pêroyî yê Partîya Welatparêzanê Kurdistanî (PWK)