Serekê Pêroyî yê PAKî Mustafa Özçelik venga Rayberîya Herêma Kurdistanî da

 ‘’Ez venga Birêz Serek Mesûd Barzanî, Birêzan Serekê Parlamento, Hukmat û Serekîya Herêma Kurdistanî dana.

Serekê Birêzî

Derxal, demêko lez de venga partîyanê Kurdan ê her çar perçeyanê Kurdistanî û temsîlkaranê Kurdanê welatanê dinya bidêne û înan reyde kombîyîşêk virazêne. Ê kombîyayîşî de heme hetanê beşdaran derheqê rewşa nikayîne ya Başûrê Kurdistanî de agahdar bikêne. Wa temsîlkarê Rojavayê Kurdistanî zî derheqê rewşa Rojavayê Kurdistanî de malûmatan bidê. Badê zî, peynîya kombîyayîşî de, ma heme partî û temsîlarê Kurdan yewbînan reyde semedê tehlûkeyê ke vernîya Başûr û Rojavayê Kurdistanî de estê, helwest û sîyasetêko hempar, netewî, niştimanî tesbît bike.

No kombîyayîş eşkeno bi hawayêko fiîli, gorê tedbîranê pandemîya Covîd-19î, Hewlêr de zî bêro viraştene; eşkîyeno semedê tehlukeyê Covîd-19yî, bi hawayêko ONLINE zî bêro viraştene.

Ewro qederê her çar perçeyanê Kurdistanî her demî ra zêdêr yewbînan rê girêdayî yê. Serkewtin û vindîkerdişê her perçeyêkê Kurdistanî tesîrêko pîl qederê perçeyanê bînan ser o keno.

Ewro şertê Kongreyêka Netewî ya heme Kurd û Kurdistanîyanê her çar perçeyan û dinya çin a. La ma vanê, semedo ke ma bieşkê vernîya tehlûkeyê ser Başûr û Rojavayê Kurdistanî estê bigîrê, helwestêka pîya ya netewî bimojne,  kombîyayîşêko hîra kem a pêşnîyaz kerdo, hînî lazimtîyêka tarîxî ya.

Belê, ma vanê wazîfeyêko wîna birûmet, tarîxî yo netewî, niştimanî, bi amadebîyayîşê, Birêz Serek Mesûd Barzanî, Birêzan Serekê Parlamento, Hukmat û Serekîya Herêma Kurdistanî eşkenê  bireso encamêko berhemdar.

Bi silam û hurmatanê xo

17.12.2020

Mustafa Özçelik

Serekê Pêroyî yê PAKî