Serra 2022î semedê şarê Kurdistanî û semedê zafêrê merdimayîye serrêka pê şer, dej, xem û pê nêweşîyan vîyarte.
Bi hêvî, waştiş û bawerîya ke wa serra newîye de hîşmendîya netewî xurt bibo û aver şêro û dîrok ra derse bêra girewtene, her çar parçeyanê Kurdistanî de zî biba serra pawitiş û xurtkerdişê destvitişanê ke estê; Wa biba xurkerdiş û averberdişê dewaya azadîya Kurdistanî; biba serra yewitî, dîyalog, bi pîya xebate, hemkarî û tifaqê neteweyî û niştimanî.
Bi hêvî, waştiş û bawerîya ke serra 2023î Kurdistan û her cayê dinya de rayîrê cuyêka însanî, azad, demokratîk, adalet, aştîyane akero û şarê ma û pêrûna merdimayîye rê berêkê xeyrî akero.
Bi hêvî, waştiş û bawerîya ke serra 2023î de weşî, hewlî û bextewarî bibê şirîkê cuyayîşê ma. Bi hîs û vîr û bawerîyanê xo yê netewî, niştimanî û însanî ez serra newîye ya keyeyanê şehîdan, ya kedkar û têkoşeranê dewaya azadî, ya heme şarê Kurdistanî, ya her Kurdistanîyêko/a her cayêkê dinya de cuyeno/a û ya heme merdimayîye pîroz kena.
31.12.2022
Mustafa Ozçelîk