"Nê rojanê peyênen de, Medya sosyale ser ra Birêz Dr.Îsmaîl Beşîkçîyî rê hêriş yeno kerdene.
Ez sere de wazena vajî ke, ez nê hêrîşan şermezar kena. Gereke bêro zanayîş ke, hêrişê ke Birêz Dr. İsmail Beşîkçîyî rê benê, eslê xo de hêrîşê vera qîmetanê Kurdistanî yo ke Birêz Beşîkçî, bi îsrar înan paweno (sevekneno) rê benê.
Sey heme rayber û endamanê PAKî, pa hîs û fikranê xo yê Kurdistanî ma hetê mamosteyê ercîyayî Birêz Dr. Îsmaîl Beşîkçîyî de ca gênê.
Birêz Dr. Îsmaîl Beşîkçî zanayêko Tirk o ercîyaye yo ke raştîya Kurdistanî bi metodanê zanistî pêşkêşê komelî keno, tayînkerdişê qederê şarê kurdî bê teredût paweno (sevekneno) û semedê nê fikranê xo 17 serrî hepisxane de mendo.
Helbet heqê tay sîyasetmedar û roşnvîran esto ke Brêz Beşîkçî rexne bikê û fikranê ey qebûl nêkerê. La kede, fikir û fedekarîya ey rê heqeret kerdiş, esasê xo de pawitoxanê dewaya Kurdistanî rê û destegdaranê qîmetanê Kurdistanê rê heqeret kerdiş o.
Her çî ra ver wazîfeyêkê merdimayî û neteweyî û Kurdistanî yo ke vera hêrîşê ke Birêz Dr. Îsmaîl Beşîkçîyî rê benê, ma bi zerrî û bi can hetê ey bike û nê merdimê nefsqij, fedakar û ercîyayî rê hurmet nîşan bide.
Ma venga heme partîyanê Kurdistanî, venga heme sîyasetmedar, roşnvîr û rîsipîyanê welatperweran ê Kurd û Kurdistanîyan danê ke wa kişta Birêz Dr. Îsmaîl Beşîkçîyî de ca bigîrê."
26.12.2020
Mustafa Ozçelîk
Serekê Pêroyî yê PAKî