Klûba Amedsporî kongreya xo ya pancine viraşt û kongre de karsaz Selahattin Yildirim sey serekê newe yê klûbe ame weçînayîş.
Klûba Amedsporî kongreya xo ya 5ine Tesîsê Şehmus Ozerî de viraşt.
Rayberîya newîye ke pê yew lîste beşdarê kongreya klûbe bîy amey weçînayîş.
Kongre de, karsaz Selahattin Yildirim sey sereko newe ame weçînayîş.
Serekê Odeya Bazirganî û Meslegî yê Amedî Mehmet Kaya ke beşdarê kongre bi waşt wa her kes wayîrê Amedsporî vejîyê.
Sereko verîn yê Amedsporî Vechettin Alsaçî zî rayberîya newîye rê serkewtiş waşt.
Endamê Heyetê Rayberî newîye yê Klûba Amedsporî nê yê:
Heval Şimşek Sadioglu, Servet Erol, Cahit Akin, Cengiz Aslan, Eser Sonmez, Mustafa Mesut Kaya, Ahmet Tanaman, Hasan Gunduz, Meltem Gonullu, Ergin Başari, Diren Elif Vurgun, Adnan Zengin, Şahin Tezgel û Ronayî Binen.