Serek Mesûd Barzanî şi wîlayetê Erbîlî û Herêma Balekayetî ziyaret kerd û şarê a herême dir ame yewca.
Serek Mesûd Barzanî de qiseykerdişê xo de va: Ma do destur nêde wa gonîya Kurdêk destê Kurdêk ra bêra rişnayîş.
Serek Barzanî behsê hedîseyê ke sînorê mabênê Vakur û Vaşurê Kurdistanî ser o qewimîyenê zî kerd û wina va: Ez tîya ra onca vana, Ma do destur nêde ke wa gonîya Kurdêk bi destê Kurdêk bêra rişnayîş. Seba ke wa gonîya Kurdan nêra rişnayîş ma xebate kenê.
Serek Mesûd Barzanî da zanayîş ke, nê herêmî rey-rey hetê Tirkîya û Îranî ra yenê bombardumankerdiş û seba ke wa şarê nê cayî bedel nêdo, zerar nêvîno çareserîyêk rê lazimtî esta.
Serek Barzanî wina va, “Na herêma çi dîya çi nêdîya! Tîya rê zulmêko pîl bîyo wextanêk. Teyarayê şerî şewe û roje tîya dayene bombeyan ver. La înan se kerd nêkerd şarê ma tîya canêverda û wayîrê welatê xo vejîya. Ez tîya ra onca vana, Ma do destur nêde ke wa gonîya Kurdêk bi destê Kurdêk bêra rişnayîş. Seba ke wa gonîya Kurdan nêra rişnayîş ma xebate kenê.