Serek Mesud Barzanî derheqê têkoşîno ke Pêşmergeyan vera çeteyanê DAIŞî dayo de beyanatêk da û va “DAIŞî bi destê qehremananê Kurdan vindî kerdo. Kes nêeşkeno tekoşînê Pêşmergeyan yê vera DAIŞî înkar biko.”
Serek Mesûd Bazanî wîna dewam kerd: “Nê rojan de medya de behsê şerê vera DAIŞî beno. Tîya de gere merdim qala raştîyêk biko. DAIŞ dişmenê pêroyê merdimayî yo. Vera DAIŞî şerkerdiş çîyêko rehet nîyo. Semedê DAIŞî reyde mucaldele desteğe koalîsyonî û mucadeleyêko hîra lazim o.
Amerîka û Koalîsyonê Mîyannetewî rê sipas kerd.
Serek Barzanayîşî qala têkoşîno ke Pêşmergeyan vera DAIŞî dayo kerd û îna va:
“Semedo ke tekoşînê vera DAIŞî de hetkarîya Pêşmergeyanê Kurdistanî kerdê, ma Amerîka û Koalîsyonê Mîyannetewî rê sipas kerd. La ratîyêka pîle esta ke gere qalî ci bêro kerdiş na ya ke, êyê ke Kurdistan vera hêrişanê DAIŞî pawitê, semedê nê pawitişî şehîd dayê pêşmergeyê Kurdistanî yê.
Kes nêeşkeno na raştî û qehremanîya pêşmergeyan înkar biko.