Merkezê Xeberan- Şerê mabênê artêşa Îsraîlî û çekdaranê Filistînî de tewr kêmî 32 kesî amê kiştiş. Filistînijan agirbest waşt.
Kişyayîşê mesulê rêxistina cîhada îslamî ya Filistînî Beha Ebû Eta ra dima, cîhada îslamî bi topan hêrişê Îsraîlî kerd, sînorê Filistîn û Îsraîlî ser o zî komêka Filistînije kom bîye û Îsraîlî protesto kerd.
Artêşa Îsraîlî zî cewab da hêrişanê cîhada îslamî. Vajîyeno ke netîceyê şerî de tewr kêmî 32 kesî amê kiştene û înan ra 10 kesî sivîl ê, ê bînî zî çekdarên Filistînî yê.
Ame zanayîş ke hukmatê Misirî kewto mîyanê înan, bîyo mîyancî û nika mabênê her di hetan de adirbes ameyo îlankerdiş.