Goreyê Dezgehê Çimdarîya Heqanê Merdiman ê Sûrîye vakurê Sûrîye de şerê mabênê hêzanê hukmatê Sûrîye û cerganê DAÎŞî de hewteyêk de 90 kesî merdî.
Dezgehî pare kerd ke destpêkê teşrîna verêne ra nata warê çolî yê mabênê Reqa, Heleb û Humsê de 41 leşkerê Sûrîye û 49 cergî kişîyayî. Mabênê 24 saetanê peyênan de tewr tay 10 leşkerê Şamî û 13 cergê DAÎŞî kişîyayî.
Goreyê dezgehî Çimdarîya Heqanê Merdiman hêzê hewayî yê Sûrîye û Rûsya tay noqtayanê DAÎŞî ser o bombayan varnena. Cergê DAÎŞî Hûmsî ra heta Dêra Zorê hêrişanê xo dewam kenê.