Merkezê Xeberan - Hîrê ke çekdarê girêdayîyê Tirkîya, Serê Kanî de teqayîşêk de amê kiştene.
Teşkîlatê Heqanê Merdiman yê Sûrîye aşkere kerd ke, Dewa Serê Kanî Mişirfe Remo de bi otomobîlêka bombebarkerdî hêriş ameyo kerdiş.
Gorê beyanatê teşkîlatî teqayîş de 3 çekdarê ke girêdayîyê Tirkîya bî amê kiştene û qismêk çekdarî zî birîndar bîyî.
Serê Kanî par hetê artêşa Tirkîya û grubanê çekdaran ra ameybî îşgalkerdiş û ê wextî ra nata tim û tim teqayîşî qewimîyenê. 6ê na aşme de nehîyeya Til Xelefî ya başûrê rojavayê Serê Kanî de teqayîşêk qewimîyabi û 10 kesî birîndar bibî.