Serê Kanî de çekdarê opozîsyona Sûriye ê ke girêdayîyê Tirkîya yê de mabênê xo der şer kerdî û netîceyê şerî de 5 kesê sivîlî û 7 çekdarî ameyî kiştene.
Teşkîlatê Heqanê Merdiman yê Sûrîye aşkere kerd ke, dewêka Serê Kanî de mabênê çekdaranê grûba Sultan Muradî şerd vejyîyayo, gule û topê çekdaran ginayê keyeyêk ro.
Teşkîlatî beyan kerd ke, tira yew doman û cinîyêk, pêroyî de 5 kesê sivîlî ameyê kiştene.
Gorê beyanatî, şerî de 7 çekdarî zî ameyî kiştene û 12 çekdarî zî birîndar bîyê. Birîndarî seba weşkerene neqlê nêweşxaneyê Tirkîya bîyî.
Herêmanê rojavayê Kurdistanî Efrîn, Girê Sipî û Serê Kanî hetê artêşa Tirkîya û grûbê çekdaran ra emeyê îşgalkerdene, her tin nê cayan de hetê çekdaran ra karê dizdî û talanî beno. Çekdarî welatîyanê sîvîlan remnenê, keyeyanê înan ra pere wazenê û eke pere nêro dayîş, înan rê îşkence kenê û înan kiştene.