Şerê mabênê Azerbaycan û Ermenîstanî de, roja diyîne de dewam keno. Vajîya ke, şer de çekê giranî yene şuxulnayîş û Serekkomarê Azerbaycanî Îlhan Aliyevî seferberîyêka qismîye îlan kerdo.
Wezîrê Pawitişî yê Ermenîstanî îzah kerd ke, pêrodayîş heta şewe dewam kerdo, qerebaxê Terter yê artêşa Ermenîstanî ameyo bombardumankerdiş û 5 sîvîlî merdî.
550 ESKERÎ MERDÎ
Wezaretîya Pawitişî ya Azerbaycanî zî beyanatê xo de îzah kerd ke, 22 tankê aîdê Ermeniyan, 15 helîkopterê OSA û 18 ÎHA ameyê îmhakerdiş û 550 eskerê artêşa Ermenîstanî ameyê kiştene.
Meclîsa Azerbaycanî zî vizêr tay cayan de “Rewşa şerî” îlan kerdbî.
ÇÎN Û RÛSYA VENG DA HER DI HETAN
Semedê şerê mabênê her di welatan Çîn, Amerîka û Rûsya venga her di hetan da ke wa mabênê xo de diyalog ronê û meseleyanê xo bê şer safî bikê.