Serokê komîsyona pêwendiyên derve li Senatoya Amerîkayê ragihand, divê Amerîka di piştevanîkirina serokwezîrê Herêma Kurdistanê Mesrûr Barzanî berdewam be.
Senatorê Amerîkî û serokê komîsyona pêwendiyên derve li Senatoyê, Bob Menendez li ser êrişa mûşekî ya Hewlêrê peyamek belav kiriye û ew êriş bi tundî şermezar kiriye.
Menendez di peyama xwe de, ku li ser malpera xwe belav kiriye, gotiye, ew êrişên han vê rastiyê derdixin ku divê hemahengî û hevkarî di navbera artêşa Amerîka û hêzên ewlehiyê yên Kurdistanê de berfirehtir û zêdetir bibe.
Wî senatorê Amerîkî bang li hikûmeta Amerîka jî kiriye, di piştevanîkirina serokwezîrê Herêma Kurdistanê Meserûr Barzanî de berdewam be û serokwezîrê Iraqê Mistefa Kazimî jî teşwîq bike da ku lêkolînên hûr li ser wan êrişan bike.